რა არის საჩივრების განხილვის მექანიზმი? 

საჩივარი შეიძლება განიმარტოს, როგორც რეალური ან აღქმული პრობლემა, რომელიც საფუძვლად შეიძლება დაედოს პრობლემას. კომპანიის პოლიტიკის ფარგლებში შპს „აჭარისწყალი ჯორჯია“ აქტიურად მუშაობს საჩივრების წარმოქმნის პრევენციაზე, რისთვისაც ახორციელებს ზეგავლენის მინიმიზაციისა და მოსახლეობასთან  კავშირების დამყარებისკენ მიმართულ ზომებს. ამ ზომების დახმარებით წინასწარ გათვლილი და მოგვარებულია პოტენციური პრობლემური საკითხები, რომლებიც შეიძლება გადაიზარდოს საჩივრებში. 

კომპანიასთან დაკავშირებით საჩივრის წამოყენება შესაძლებელია ყველასთვის, ვინც კი მიიჩნევს, რომ პროექტს აქვს მავნე ზეგავლენა მოსახლეობაზე, გარემოსა თუ ცხოვრების დონეზე.

კომპანია მიიღებს ნებისმიერ კომენტარს თუ საჩივარს როგორც ზეპირი, ისე წერილობითი ფორმით (ფიზიკური თუ ელექტრონული ფოსტა), ასევე შევსებული საჩივრის ფორმის სახით.

როგორ მიმდინარეობს გასაჩივრების პროცესი?

ყველა საჩივარი განიხილება 10 დღის განმავლობაში. თუკი ეს შესაძლებელია, დაუყოვნებელი რეკოქციის ზომები მიიღება 10 დღის განმავლობაში. თუკი დაუყოვნებელი კორექციის ზომების მიღება შეუძლებელია, რეაგირება უზრუნველყოფილი იქნება 21 დღის განმავლობაში. პასუხი კომენტარზე, გარდა განსაკუთრებული გარემოებების შემთხვევებისა, მიწოდებული იქნება 21 სამუშაო დღის განმავლობაში. გამოძიების ჩატარების აუცილებლობის შემთხვევაში პროექტის თანამშრომლები და, საჭიროებისებრ, გარე უწყებები ხელს შეუწყობენ პროცესის წარმართვას. დაინტერსებულ მხარეთა ჩართულობის სპეციალისტი ითანამშრომლებს შპს აჭარისწყალი ჯორჯიასთან შესაბამისი უნარების მქონე სათანადო საგამოძიებო გუნდის შერჩევაზე, რომელიც განიხილავს მოცემულ საჭირბოროტო საკითხს და გადაწყვეტს, უკავშირდება თუ არა ის პროექტს და მიზანშეწონილია თუ არა მისი გადამისამართება რეაგირებისთვის პროექტის ფარგლებს გარეთ შესაბამისი უწყებისთვის.

როგორ შევიტანოთ საჩივარი?

არსებობს თქვენი წერილობითი საჩივრის შეტანის რამდენიმე გზა:

ელ-ფოსტა: ჩამოტვირთეთ, შეავსეთ და გააგზავნეთ საჩივრის ფორმა შემდეგ მისამართზე: info@agl.com.ge.

ტელეფონი: დაუკავშირდით შპს „აჭარისწყალი ჯორჯია“-ს დაინტერესებულ მხარეთა ჩართულობის სპეციალისტს  შემდეგ ნომერზე: 599 203 415 და მიაწოდეთ ინფორმაცია თქვენს საჩივართან დაკავშირებით.

საჯარო ინფორმაციის ცენტრი: ეწვიეთ საჯარო საინფორმაციო ცენტრს  შუახევი ჰესზე და  მაიწოდეთ თქვენი წერილობითი განცხადება ან შევსებული საჩივრის ფორმა დაინტერესებულ მხარეთა ჩართულობის სპეციალისტს.