ქლინ ენერჯი გრუფის გამოხმაურება ambebi.ge-ს სტატიასთან დაკავშირებით
2011 წლის 7 ოქტომბერს ქართულ საინფორმაციო ინტერნეტ პორტალზე ambebi.ge გამოქვეყნდა ინტერვიუ არასამთავრობო ორგანიზაცია „მწვანე ალტერნატივას“ დირექტორთან ქ-ონ მანანა ქოჩლაძესთან. სტატია ეხება საქართველოს ენერგოსექტორში მიმდინარე რეფორმას, კერძოდ დიდი კაშხლების მშენებლობასა და მათ ზეგავლენას გარემოზე.
ქ-ნი მანანა ქოჩლაძის განცხადებით, მდ. აჭარისწყალზე 4 ჰესის მშენებლობის გამო მიწის ნაკვეთების დათმობა მოუწევს 230 ოაჯახს, შედეგად ისინი დაკარგავენ სახნავ-სათესებსა და შემოსავლის წყაროს. გარდა ამისა, „მდინარეში წყლის დინების შემცირებას სირთულეები, ეკოლოგიური ბალანსის რღვევა მოჰყვება“- ნათქვამია სტატიაში.
„აჭარისწყლის ჰიდროენერგო პროექტი“ ტექნიკურ-ეკონომიკური შესწავლის (ფიზიბილითის) ფაზაშია, რომლის საბოლოო დიზაინი ჯერ კიდევ არ დასრულებულა. პროექტის მნიშვნელოვან საკითხს სწორედ ბუნებრივ და სოციალური გარემოზე ზეგავლენის შესწავლა წარმოადგენს, რომელშიც ქართველი და უცხოელი ექსპერტები არიან ჩართულნი.
პროექტის ბუნებრივ და სოციალური გარემოს სკოპინგის დოკუმენტის მიხედვით, პროექტი არ ითვალისწინებს მოსახლეობის ფიზიკურ ან ეკონომიკურ განსახლებას. ჩვენი წინასწარი შეფასებით, პროექტის ზონაში მოქცეული მიწის ნაკვეთების უმრავლესობა არასასოფლო-სამეურნეო დანიშნულებისაა. ის მიწის მესაკუთრეები კი (დაახლოებით 50 ოჯახი) რომელთა მიწის ნაკვეთები მოხვდება პროექტის განხორციელების არეალში მიიღებენ კომპენსაციას საქართველოსა და მსოფლიო ბანკის სტანდარტების მიხედვით.
რაც შეეხება ეკოლოგიურ ხარჯს, ექსპერტთა ჯგუფი ამჟამად ამ საკითხზე მუშაობს და მათი საბოლოო რეკომენდაცია დამყარებული იქნება საჭიროებათა შესწავლის შედეგებზე. დაგეგმილი დიზაინი ითვალისწინებს მდინარის ნატანის შენარჩუნებას კაშხლების გამრეცხების გამოყენებით. გამრეცხები ნატანის შენარჩუნების მხრივ საკმაოდ ეფექტური აღმოჩნდა სხვა პროექტებში.
„აჭარისწყლის ჰიდროენერგო“ პროექტი ადგილობრივი მოსახლეობის დასაქმების პერსპექტივას იძლევა, ის ხელს შეუწყობს მუნიცპალიტეტებში შემოსავლის ზრდას, გააუმჯობესებს საქართველოს ენერგო უსაფრთხოებას და შეამცირებს სათბური აირების ემისიას.
ბრიტანულმა საინჟინრო კომპანია „მოტ მაკდონალმა” სპონსორებს აჭარისწყლის ჰიდროენერგო კასკადის პროექტის დიზაინი წარუდგინა განსახილველად. აღნიშნული დიზაინი ითვალისწინებს მდ. აჭარისწყალზე 3 ჰესის მშენებლობას, რომლის ჯამური დადგმული სიმძლავრე იქნება 395 მგვტ, ხოლო წლიური გამომუშავება 1220 გვტ/სთ. მშენებლობის ღირებულება 708 მლნ აშშ დოლარს შეადგენს.
2011 წლის 1 სექტემბერს კომპანია „ქლინ ენერჯი გრუფმა“ ქართული შვილობილი კომპანია შპს „აჭარისწყალი ჯორჯიას“ მეშვეობით აჭარის ფინანსთა და ეკონომიკის სამინისტროში საინფორმაციო შეხვედრა ჩაატარა. შეხვედრის მიზანი იყო აჭარისწყლის კასკადის შემუშავების ადრეულ ეტაპზე პროექტის წარდგენა და გაცნობა გარემოსდაცვითი არასამთავრობო ორგანიზაციების და სხვა დაინტერესებული მხარეებისთვის.
„ქლინ ენერჯი გრუფი“ მოსახლეობასთან მდ. აჭარისწყალზე ჰიდროელექტროსადგურების კასკადის მშენებლობის პროექტის საინფორმაციო შეხვედრებს იწყებს. მოსახლეობასთან შეხვედრას წინ უძღოდა საინფორმაციო შეხვედრები მუნიციპალიტეტების გამგებლებთან, რომელიც 14 ივნისს ჩატარდა.